لماذا من الخطأ السعى للمثالية؟ Perfectionism 13
- alyamohamed
- Sep 7, 2014
- 5 min read
ايه هو perfectionism و ترجمتها الحرفي السعى الكمالية
برينى " السعي للكمال او المثالية هنا ليس معناه انك تسعى ان تكون أفضل و ليس له علاقة بمحاولة الوصول للتقدم او لاهداف صالحة و صحيه . "
"السعي للمثالية هنا هو انك تؤمن انك اذا تمكنت للحياة بشكل كامل , مظهرك كامل , قمت بالافعال المثالية, سوف تتجنب او تقلل تعرضك للوم من الاخرين , او حكم الاخرين عليك , و تتجنب الشعور بالخجل ."
"هو حاجز ثقيل نتمسك به حولنا اعتقدا منا اننا نحمي انفسنا , و مع ذلك في الحقيقه هو يحجب عنا و يمنعنا من ان نُحلِق بحرية في حياتنا ."
"السعي للمثاليه هو بعيد تماما عن محاولة الاصلاح من نفسك .... لكن هو فقط يعكس الشعور بالحاجه للحصول علي تأييد الاخرين و قبولهم .
معظم المصابين بهذا الاحساس نشأوا في بيئه تدفعهم دائما للانجاز و مراقبة إدائهم في الدرجات الدراسية, الاخلاق, اتباع القواعد, ارضاء الاخرين , المظهر ....
من داخلك تقول .. " ‘انا‘ هو ما حققته و مدى نجاحي في تحقيقه ". "
" السعى الصحى للتقدم و التحسين .. هو التفكير " كيف احسن ؟" ... لكن التفكير السعي للمثاليه هو " كيف سيقدرونني ..او كيف سيفكرون بي ؟"
عندما تفهم الفرق بين السعي للكمالية و السعى الصحى للتقدم .. سوف تنتزع هذا الحاجز و تمتلك الشجاعه لتتحرك و تبدع فى حياتك بحُريه .
" اكدت الابحاث ان السعي للكمالية يعوق النجاح .. و الحقيقة هو يفتح الباب للاكتئاب , القلق, الادمان , شلل الحياة .
شلل الحياة معناه : انى افقد الكثير من الفرص لانى خائف جدا انى اجرب اى شئ خارج الإطار الذي اعرفه جيدا و يكون الشئ ده غير مثالى .
هو ايضا كل الاحلام التي لا اسعي لتحقيقها خوفا من الفشل , او ارتكاب الاخطاء , او احباط الاخرين .
تكون مرعوب ان تخطوا فى اى مخاطره , لان تقديرك لذاتك مرتبط داخلك بالفشل و النجاح . "
" هو شعور تدمير ذاتي , و اعتقاد يصل الي حد الادمان " اذا اني اعيش مثالي , مظهرى مثالي, و افعل كل شئ مثالي .. استطيع ان اقلل الشعور المؤلم بالخجل و اللوم و حكم الاخرين " .
شعور تدميرى لانه لا يوجد شئ يمكن ان يكون مثالي ! ..هو هدف لا يمكن الوصول إليه ... مهما بذلنا من مجهود أو وقت لا شئ يمكن أن يصل أن يكون مثالى .
تستنزف نفسك على الفاضى
" و لماذا يصل الى حد الادمان : لأنه كلما نتعرض للوم او الشعور بالخجل نُرجِع هذا لاعتقادنا أننا كنا غير مثاليين بشكل كافي ... و بدل ما نقاوم المنطق الخاطئ للكمالية ..... نصبح اكثر اصرارا في سعينا ان نعيش و نظهر و نفعل كل شئ صحيح و مثالى . "
بيحصلك ارتباك ..
" الشعور بالخجل او اللوم ( أو الخوف من الشعور بهم ) هى حقائق انسانيه موجوده فى حياة كل بنى ادم . لكن السعى للكمالية يزيد من احتمال مواجهتنا لهذه المشاعر المؤلمه و يدفعنا أن نلوم أنفسنا : " دى غلطتى أنا .. أنا حاسس بكده لأنى لست جيد بشكل كافى "
"عشان اتخلص من الشعور بالاحتياج للكمالية :
محتاجين ان نتقبل نقط ضعفنا تجاه الشعور بالخجل و اللوم لانهم بيصيبوا الجميع , ننمي قدرتنا علي تجاوز الشعور بالخجل , ننمي قدرتنا علي حب انفسنا , و حين اذ نستطيع اظهار عدم اكتمالنا .. وقتها فقط نستطيع ان نستمتع بهبات عدم الكمال هذا : الشجاعة و التواصل الدافئ مع الاخرين و الاحساس بهم ."
" علي اساس معلوماتي , لايوجد احد مصاب بحالة السعي للكماليه و احد اخر غير مصاب .. جميعنا عندنا بعض الميول لان نسعي للكمالية غير انها مع بعض الناس تكون الزاميه و مزمنه مثلها مثل الادمان ."
مثال الفرق بين السعي للكمالية و التغيير الصحي المفيد:
"الكمالية :
مفيش حاجه علي مقاسي , انا تخينه ووحشه , انا محتاجه ابقي ارفع من كده عشان اكون محبوبه .
التغيير الصحي المفيد:
انا محتاجه اخس عشان نفسي , عايز احس اني احسن و صحتي احسن , المقاس لا يفرق في حب و قبول الناس ليا , انا استحق الحب و الاحترام في كل الاحوال , و لهذا انا عندى الشجاعه .. و استطيع ان افعل ذلك و اكون اكثر صحه و نشاط. "
" و انا في التعامل مع هذه الحالة استطيع ان اتبني فكرة " إدّعيها الى ان تصل اليها " .
"من كام يوم اتنين من اصدقائي مروا علي منزلي .. ابنتى الصغيره ندهت عليا و بتقولي انهم علي الباب .. "
المنزل كان ملخبط و مكركب ..
و حسيت من صوت بنتي انها بتقول " اووو ماما دلوقتي هتصوت "
انا قولت ..ثوانى و روحت اغير هدومي ...
بنتى جريت عليا و قالتلى ..هل محتاجه اساعدك فى ترتيب الاشياء ..
قلت لها : لا انا فقط ارتدى ملابسي ... انا سعيده جدا انهم هنا .. مش مهم شكل البيت ..مين مهتم ..
و عملت نفسي مش مضايقه تماما من وضع البيت المزرى قدام اصدقائي ........... "
لما قرأت وضحت امامي جزء كبير أوى من مشكله عندى ...
لأنى عيشت طول حياتى اسعى ان يكون كل شئ مثالى .. اذاكر بطريقة مثاليه , ادخل كلية مثالية , اجيب تقدير ..اتعودت دائما اكون انا المثاليه ... اعمل و انجح فى عملى ...اتعامل مع عيلتى بافضل طريقه ... و كل من حولى كانوا واضعينى فى الاطار ده .
كنت برتب كل حاجه عشان مسمحش لأى حاجه تظهر غير مثاليه .... الموضوع ده بيضع الانسان فعلا فى ضغط مستمر بدون مبرر ..
و اول مشكلة حصلتلى خرجتنى من حالة المثالية ديه .... حاصرنى احساس بالفشل , و انى غير قادرة على اخذ القرارات , و انى مفيش حاجه نجحت فيها ... كان عندى شعور انى عايزه اختفى و مش قادره اواجه الناس و لا اواجه اى حد بمشكلتى ..كأنها عيب فيا ... و كان عندى مشكله كبيره جدا انى اواجه الحياه بعد المشكله ديه ... كنت بفكر " شكلى دلوقتى هيبقى ايه "
ثقتك فى نفسك بتهتز و تحس بالضياع و انك محتاج اى قشايه تتعلق فيها .. ....
فى الوقت ده انت بتلوم نفسك .. و بدل ما تحاول تتخلص من ان مش كل حاجه هينفع تبقى مثاليه و ان دى مش مشكله فى شخصك ... لا حاولت ادور على حاجه و دراسة عشان اعوض فيها الفشل و احاول ادور اكتر و اكتر على الوضع المثالى ...
و كل ما الاقى وضعى ابتعد عن الشكل المثالى الصح زى ما الكتاب \ و المجتمع بيقول .. بأشعر بالذنب و الاحباط و قلق و ضغط و يمكن اكتئاب ..
و لحد ما اقرأ الكتاب مكونتش فاهمه ... انا ليه كل خطوه خايفه اخطيها و عايزاها تبقى كله مترتب ... ليه مضغوطه على الفاضي و كل ما ابعد عن الخط الى رسماه اقلق و اخاف .... ليه كنت بحارب عشان اعمل الماجستير و حاسه ان ده املى فى الحياه ..! ليه حتى لو عملت حاجه انا عايزاها بس مش عشان هى الوضع المثالى بكون مش قادره اكون مبسوطه بيها و حاسه بالذنب و محبطه من حياتى ....
لقيت ان المشكله الى حصلتلى ديه دفعتنى انى اكسر حواجز المثاليه ديه ... و استوعبت اننا كده مرتاحه اكتر بكتير و انا حاسه انى طبيعيه و عايزه اعمل الى انا حباه منغير ما ضميرى يأنبنى .
الى الأن مازال بتجيلي بعض الاحاسيس ديه .. لكن بعد ما فهمتها بقدر اقاومها ..
from :
Book: The gifts of imperfection
Author: Brene Brown
Comments