الاحساس بالاخرين 12

alyamohamed
Sep 7, 2014
2 min read

لما اتكلمنا عن الخجل

عدينا علي نقطة الإحساس بالأخرين ..

برينى : " الاحساس بالاخرين مخيف ؟ محتاج شجاعه .. لانه ممكن يتسببلك فى ألم

انت ممكن من خوفك تحجب عن نفسك قدرتك فى انك تحس بالاخرين ! "

لما بنحس بألم او الخجل ... رد فعلنا التلقائي اننا نحمي نفسنا بإننا ندور على اى حاجه او اى حد نلقي عليه اللوم ! مبيكونش الاحساس بالاخرين هو رد الفعل التلقائي !

" الاحساس بالاخر مش معناه علاقة بين واحد حاسس انه سليم و التانى ضعيف و مجروح ... لا دى علاقه بين اتنين حاسين انهم متساويين - كل واحد مدرك طبيعته كبنى ادم و عنده استعداد يبقى فى مكان التانى بشكل كامل .

لما نقدر نشوف جانبنا المظلم و نعترف بيه هنقدر نشوف جانب الاخرين و نشاركهم . "

"فى مجتمعنا بنعيش ثقافة اللوم على الاخرين ! .. كل واحد مستنى يشوف مين الى غلطان و هيدفع تمن غلطته ازاى! "

ده من الاسباب الى بتصعب علينا مهمة اننا نكون حقيقيين ...

بنخاف نقول الى جوانا .. لحسن الى قدامنا يحكم علينا من خلال الكلام ده او من خلال تجربه او تصرف منبقاش واثقين انه هيعجبه او متماشي مع افكاره , مش يبصلنا بشخصنا كله .. يعرف عنك حاجه او يمسك عليك غلط و يعتبره هو ده شخصيتك و يحكم عليك من خلاله ...

لكن هى مهمه لازمه لحياه صحيه ... خليك حقيقي و احتفظ حولك بالناس الذين يقبلوك كما أنت .

مهمه صعبه علينا لأننا من داخلنا ( و دون ان نشعر ) نسعى اننا نكون مقبولين من الى حولينا .. و مش عايزنهم يحكموا علينا غلط او ميحبوناش ... لكن اذا اغفلنا المهمه ديه احنا اول ناس هنضر و نكتئب و هندمر نفسنا بنفسنا ..

اذا كان الشخص الى معاك يشعر من داخله انه يستحق , يسامح و يحب نفسه , يثق فى نقاط ضعفه و نقاط قوته و يستطيع ان يشاركك اياها ... سوف يستوعب تجربتك و لن يحكم علي شخصك كلية من خلال تجربه . هيستوعب اختلافاتكوا و نقاط ضعفك و قوتك مع بعضها ..

انت كمان لما تقبل نفسك و تقدر تظهر قوة ضعفك و قوتك هتقدر تشعر بالاخرين ...

from :

Book: The gifts of imperfection

Author: Brene Brown