لازم نحب نفسنا عشان نقدر نمارس الحب! 8
- alyamohamed
- Aug 26, 2014
- 4 min read
فى هنا حاجه قالتها برينى :
برينى : "و بعد ما حاولت ان افهم اكثر كيف يكون الحب بين الناس , تأكدت تماما ان حب النفس و تقبل الانسان لنفسه ليس ترف او اختيار بل هو من الاولويات . "
احنا منقدرش نحب الاخرين حب حقيقي الا لو حبينا نفسنا .... و اننا صعب نحب نفسنا و اسهلنا نحب الاخرين اكتر ما نحب نفسنا !
يعنى مثلا سهل اقول لنفسي .. انا غبيه , انا ازاى عملت كده و اكلم نفسي بقسوة ..استاهل الى يجرالى - فى حين انى مش سهل اقول كده لحد عايزه اتعامل معاه بحب لان ده يتعارض مع ممارستنا للحب ده !!
ايه معني اني اتصرف مع نفسي بحب او احب نفسي : معناها اتعلم اثق في نفسي , اعامل نفسي باحترام, نكون عطوفين وودوين مع انفسنا . احنا ممكن نقسوا علي انفسنا بشكل منقدرش نعمله ما اي حد .. اعامل نفسي كأنى صديق بحبه .
سؤال الكاتبه للقراء عندها فى البلوج : ماذا تعقتدوا فى حب النفس او اننا لا نستطيع ان نعطى احد حبا اكثر مما نحب انفسنا ؟
فى ناس رفضت فكره ان حب النفس لازم عشان نحب الاخرين .
و فى واحد قال :
" من خلال بنتى , اتعلمت ازاى احب بدون شروط, ازاى احس بيها و ابقى طيب معاها مهما كانت حالتى سيئه و تعبان - بقيت ادى اكتر و اكتر .
لما ببص لبنتى الى بحس انها تشبهنى جدا بقدر اشوف نفسي كأنى طفل صغير . ده فكرنى انى اكون طيب اكتر مع الطفل الذي بداخلى و انى احبها و اقبلها كأنها انا بظبط . و اتعلمت ابقى شخص افضل و انى اشتغل على انى احب نفسي و اتقبل نفسي . - و مع ذلك لقيت اسهل بكتير انى احب بنتى عن انى احب نفسي . "
" عندى مريضه "ام" بتحب بنتها جدا و لكنها تدمن المخدر و تكره نفسها و بتدمر حياتها و جسمها .
مقتنعه تماما ان بنتها محبوبه لكن هى لا تستحق الحب .
هى معتقده انها بتحب بنتها جدا لكن مش بتحب نفسها - لكن مش مدركه انها لما بتضر نفسها كده هى برده بتضر بنتها ! زى بظبط اللى بيدخن بيضر نفسه و بيضر كمان الى حواليه . "
شخص تانى :
" الناس الى بتحبنا ممكن تلهمنا لدرجه من الحب احنا عمرنا ما وصلنلها , لكن عشان نقدر فعلا نوصل للدرجه عاليه من الحب - لازم نفكر بعمق جوانا ‘ احنا مين , الجانب المظلم و المضئ, الطيب و الشرير, المحبوب و المدمر ‘ .. و نفهم نفسنا كويس عشان نقدر نحبهم بشكل افضل .
احنا ممكن نحب حد بقوة , ربما نعتقد انه اكتر ما بنحب نفسنا , و لكن هذا الحب القوى يجعلنا نصل الى اعماق نفسنا و نقدر نسامحها و نحبها . "
المهم انى لقيت شمس قايل حاجه شبيهه فى كتابه :
” إذا أراد المرء أن يغيّر الطريقة التي يعامله فيها الناس، يجب أن يغيير أولاً الطريقة التي يعامل فيها نفسه. وإذا لم يتعلم كيف يحبّ نفسه، حباً كاملاً صادقاً، فلا توجد وسيلة يمكنه فيها أن يحبّ. لكنه عندما يبلغ تلك المرحلة، سيشكر كلّ شوكة يلقيها عليه الآخرون. فهذا يدل على أن الورود ستنهمر عليه قريباً”.
بالنسبالى انا ممكن افهمها بالطريقه ديه :
سواء حبيت نفسي او لأ فأنا ممكن احب اوى ...
لكن ممكن يكون مش هعرف اعامله بحب اوى بجد الا لو حبيت نفسي .... بشكل ما - او بشكل غير مباشر
لأنى لما اكون مش واثقه من نفسي ده بيتعكس على الى بحبه بشكل مش مباشر ...
لما اكون طاحنه نفسي و دائما منهكه و مضغوطه - ده برده هينعكس على الى بحبه.
لما اهمل صحتى و مظهرى - ده هينعكس على الى بحبه .
لما مثلا : اكره تصرفى و اكره نفسي - هكون متوتره او غاضبه من الدنيا و من نفسي - و ده هيأثر بشكل سلبى على الى بحبه...
بس كمان اعتقد ده بيعتمد بشكل ما كمان على الطرف الاخر .... يعنى لما اكون واحدة فى حالة عدم رضا عن نفسهت و الراجل كمان يلومهت دون ان يشعر ان انا داخليا بتلوم نفسها..... ثقتها فى نفسها هتهتز اكتر و مش هترضى عن نفسها اكتر ..... و ده ممكن يخليها تبتدى تشك فى تقديره ليها ....او تدور هي كمان على مشكله عنده عشان تبتدى تقول مهو كمان عنده ........و هكذا...
مثلا الأم الى بتهمل نفسها فى سبيل حب اولادها و جوزها - اكيد هما مش هيكونوا فرحانين لما يشوفوها شاحبه, منهكه, متعصبه و مضغوطه , مبهدله و مش مهتمه بنفسها ...
ولو ان هى برده لو حاولت تدى وقت لنفسها - جايز يتهموها بالانانيه او ميكونوش راضيين ان فى وقت مستقطع من وقتهم لنفسها !
( الست مضغوطه عندها كذا ابن - مفيش اى فرصه لنفسها - الراجل مش شايف اصلا انها محتاجه الوقت ده - ابتدت تهمل نفسها و تبقى دائما بتشتكى و متعصبه - الراجل زهق و هو كمان شايل شغل طول النهار و مش ناقص و بدأ يطفش و يقلل وجوده فى البيت ......... وهكذا ...حال أسر مصريه كتير )
(الست مهتمه بنفسها جدا و بتشتغل - مديه وقتها لنفسها و جوزها كويس او لنفسها فقط - بس مهمله الاولاد يا فى حضانه يا مُربيه او شغاله ... دى صورة تانيه منتشرة مؤخرا ..!!! )
عشان كده انا دائما بقول الطرفين لازم يبذلوا مجهود و يكونوا عندهم النيه يشيلوا بعض -- طرف واحد يحاول يعمل كل حاجه مش هينجح ..... و خاصة فى علاقة الزواج .
From:
Book: The gifts og imperfection
Author: Brene Brown
Commentaires