علاقتنا بالناس و التواصل معاهم من اهم احتياجات البنى ادم الاساسية 5

5

اخر حاجه قلناها قد ايه علاقتنا بالناس و التواصل معاهم من اهم احتياجات البنى ادم الاساسية .

مش بس احتياج الانسان للتواصل مع الناس .. لا و كمان احتياجة للشعور بالحب و الانتماء مع بعض .

(برينى كاتبة الكتاب The Gifts of imperfection )

برينى " بعد أن درست الاف الأبحاث تأكدت ان الحب و الانتماء احتياج لا يدعو للنقاش لجميع البشر فى كل اعمارهم, فنحن مرتبطين كلياً بشكل قوى بيولوجياً و ادراكياً و جسدياً و روحانياً بأن نشعر بالحب و الانتماء."

ايه هو الانتماء ؟

انى فى وسط المجموعه ديه او بالنسبة للشخص ده حد مقبول منغير ما احتاج اغير فى نفسي حاجه -- انا مقبول كده زى مانا بظبط .

حد شايفك كلك من جواك و خارجك زى مانت و مش محتاج للتجمل و لا تلبس لبس معين و لا تعمل حاجه معينه عشان تحس انه بيقبلك و بيحبك . كاشف نفسك ليه تماما - مش شايل هم انه يفهمك غلط - او انه ممكن لو اتصرفت بطريقة معينه ميحبكش - دى الحاجه الى كلنا محتاجنها و منقدرش نستغنى عنها .

برينى " الانتماء هو رغبة الإنسان الفطرية لتكون جزءا من شيء أكبر منا، ونحن في كثير من الأحيان نحاول ان نتأقلم و نعدل من انفسنا طامحين فى أن نحصل على رضاء الاخرين فى محاولة منا للشعور بالانتماء . و هذا ليس فقط يحدث فجوه فى الشعور بالانتماء و لكن ايضا يكون حاجز بينك و بين هذا الشعور ....... لأن الشعور الحقيقي بالانتماء يحدث فقط عندما نقدم حقيقتنا الغير مثاليه و الغير كامله للعالم شاملا نقاط ضعفنا و نقاط قوتنا ,و عندما نستطيع ان تكون قيمنا و معتقداتنا و تفكيرنا و تصرفنا على خط واحد ... فشعورنا بالانتماء لا يمكن ان يتجاوز شعورنا بالرضاء عن انفسنا و تقبل انفسنا" .

الانتماء هو علاقة شخصية إيجابية، وحميمية في بعض الأحيان. ويمكن أن يشمل الانتماء "الاهتمام بإنشاء علاقة عاطفية إيجابية أو الحفاظ عليها أو استعادتها مع شخص أو أشخاص آخرين

يمكن أن تختلف الحاجة للانتماء لدى الشخص على مدار فترات قصيرة من الوقت، فهناك أوقات يرغب فيها الفرد أن يكون مع الآخرين وأوقات أخرى يرغب فيها أن يكون بمفرده

و فى فرق كبير بين انى اشعر بانتماء حقيقي و بإنى اتأقلم فى محاوله للشعور بالانتماء

مثلا انى اتأقلم يعنى عارفه هلبس ايه فى الخروجه ديه عشان اعجب الناس الى جيين - عارفه هتكلم ازاى فى الموقف ده ....

الانتماء لا يتطلب ان نغير ما نحن عليه .... بالعكس هو يتطلب مننا ان نبقى تماما كما نحن ....

اسهلي انى اقول "انا هكون اى حد زى مانت محتاجنى اكون " ... "هنعمل كل الى نقدر عليه عشان نقدر نتأقلم و نظبط نفسنا عشان نشعر بالانتماء " - لكن مش هو ده الانتماء الى احنا بجد فى حاجه ليه -- الانتماء الحقيقي هو لما تكون على حقيقتك و تعبر نفسك انت بس من جواك -- لما تكون افكارك و معتقداتك و تصرفاتك حاجه واحده . - و ده طبعا محتاج مننا شجاعه و صراحه مع النفس و مواجهة الخوف الكبير لى جوانا اننا نترفض و منتحبش !

نوضح نقطه

ده مش معناه انك تكون حد بيعمل حاجه غلط مثلا , او بيتعامل بشكل سئ و تروح تقول للناس انا كده اذا كان عاجبكوا و انت اصلا مش قادر توصل لنفسك من جواك و لا فاهم نفسك - هو معناه ان الى بيحبك هيتقبلك زى مانت لكن انت كمان محتاج تقدّر ده و تبقى حقيقي قدامه و قادر تصارحه بنقطة ضعفك ... عشان لو انت قادر تحب نفسك, تتقبل نفسك , تتقبل و تحب الاخرين , تفهم نفسك و تفهم ان انت و الاخرين عندكوا نقط ضعف و قوة , اذا قادر تصارح بالى جواك و تتجاوز اخطائك و اخطاء الاخرين..

اذا حصل الخطأ او نقطة الضعف ..نصلى, نتصارح و نعتذر و نسامح نفسنا و نحاول نفهم ده حصل ليه و نصلحه .... ..(لو الخطأ مستمر لازم نعالج السبب - و لو مقدرتش لوحدك اطلب مساعده - لانك بالتأكيد عمرك ما هتكون مرتاح ) ........

برينى : مع معطيات ان الانتماء من الاحتياجات الاساسية للبنى ادم , و صعوبة الوصول لحالة الرضا عن النفس فى مجتمعنا ده الى ديما بيدفعنا اننا نحاول نوصل لحالة مثاليه - هنفهم ليه احنا بنقضي حياتنا فى محاولة ارضاء الاخرين ظنا مننا اننا كده هنقدر نوصلل للانتماء الى احنا محتاجينه .

من الحجات المهمه الي برينى وجدتها فى الابحاث : ان مقدرش افصل بين الحب و الانتماء

طب ايه هو الحب ؟

برينى بتقول "نستطيع ان نزرع الحب عندما نعطى لانفسنا الفرصه لان نسمح لنقاط ضعفنا و قوتنا ان تكون مكشوفه و معروفه و مرئية بعمق , و عندما ندرك قدسية الاتصال الروحى الذى ينموا مع الثقه, و الاحترام و العطف و المودة" .

"الحب ليس شيئا لنعطيه او نأخذه , لكن هو شيئ نرعاه و ننميه . هو اتصال ينموا بين شخصين عندما يكون موجود بداخل كل منهم . نحن نستطيع فقط ان نحب الاخرين بالقدر الذي نحب به انفسنا ."

" الشعور بالخجل, و اللوم المستمر و عدم الاحترام والخيانه و حجب الموده يدمر الجذور التى ينموا بها الحب. يمكن للحب فقط ان يستمر و ينجو من هذه الجروح اذا تصارح الطرف و تقبل الطرف الاخر , يعالَج الجرح و يلتئم , يستثنى و لا يتكرر. "

اى حد بيحاول يضع تعريف لإيه هو الحب - بتكون بس محاولات لانه يوصل لاحسن تفسير - لكن محدش يقدر يعرفه بالظبط , العلاقات و التواصل بين الناس بتكون فى منطقه غامضة بين الاتنين محدش فينا يقدر يفهمها او يقيمها!

برينى : "عندما نفتقد الي هذه المشاعر و الاحتياجات , لا نكون قادرين على ان نقوم بدورنا فى الحياه كما ينبغى, نكون مكسورين, منفصلين, نتألم و نجرح الاخرين , نفقد الاحساس و نكون مشلولين عن اداءنا الطبيعى, يمكن ان نصل الى حد المرض ... غياب الحب و الانتماء دائما ما يتسبب فى المعاناه."

اذا كنا حقا نتمنى ان نستمتع بشعور الحب و الانتماء , ينبغى لنا ان نؤمن بأننا نستحق هذا الحب و هذا الانتماء.

عندما ندع افكار الناس و نمتلك قصتنا الخاصه , وقتها فقط نستطيع ان نجد استحقاقنا .. شعور اننا كافيين كما نحن . و اننا نستحق الحب و الانتماء .. عندما نهدر حياتنا محاولين ان نبتعد عن ما نعتقد انه لا يتماشي مع ما يفترض ان نكون لنرضى من حولنا , نكون بعيدين عن قصتنا , نعانى من شكنا فى استحقاقنا و نتصرف دائما ساعيين فقط لننال رضاء الأخرين .

التحدي الحقيقى لمعظمنا هو ان نؤمن بأننا نستحق الأن , فى هذه الدقيقة , نصدق بأن استحقاقنا لا يوجد له متطلبات و شروط مسبقه .

مينفعش اقول لنفسي :

انا هبقى استحق - لما اخس 20 كيلو

انا هبقى استحق لما ابقى حامل

انا هبقى استحق لما ابقى عاقل

انا هبقى استحق لما ابقى اب او ام كويسه

انا هبقى استحق لما يبقى جوازى ناجح

انا هستحق لما اكون مرتبط

انا هبقى استحق لما يتصل بيا و يقولى يلا نخرج

انا هبقى استحق لما ابقى محترف فى الحاجه الى بعملها.

انا هبقى استحق لما يبقى عندى اصحاب كتير

لما نقرأ الكلام و نفهم جايز نلاقى اسباب حقيقية لبعض التصرفات ..

- احساس انك لما تبقى مضايق فى ناس معينه بتحب يبقوا جنبك ..

- يمكن ده بيفسر إحساسنا بالوحده حتى لو فى وسط ناس كتير , لو مش حاسين معاهم اننا متواصلين معاهم، ممكن يبقى لينا اصحاب كتير ، ناس كتير بنحبهم ، اماكن كتير بنحبها .... بس دائماً في أشخاص بنحس بنفسنا معاهم .. بنحس اننا علي حقيقتنا و مرتاحين ...

طيب هل الكلام ده يخلينا نرجع و نفكر فى نفسنا

هل انا عندى الشجاعه ادور جوه نفسى على نقط ضعفى و اواجه نفسي بتخوفاتى و اظهر نفسي بكل الى فيها لكل الناس ؟ منغير مخاف لحسن ميحبونيش او ميحترمونيش لما يعرفونى كويس ؟ او لحسن يفتكرونى حد مش كويس -- او لا يفتكرونى بضحك عليهم - او لحسن يفتكرونى حد ضعيف !

هل عندى استعداد اظهر نفسي و حقيقتى بكل احاسيسى لكل الناس منغير ما اخاف لحسن ما يتقبلونيش و افقد وجودهم بالطريقه الى تريحنى , و بالتالى يتهيألى انى فقدت الانتماء الى انا فاكر انه موجود حقيقي ؟؟

هى كلها حلقات متوصله ببعضها -

الشجاعه - انك تحب نفسك و تتقبلها زى ما هى - تكون معتقداتك و افكارك و تصرفاتك فى اتساق مع بعضهم -- تحب الناس - الاخذ و العطاء مع الاخرين - انك تشعر بالانتماء - احتياجاتك - تعيش الحياه من قلبك

مينفعش حلقه تفلت منهم - رحلة - حياه بنعيشها .. ظروف العالم حوالينا بتبعدنا عن فطرتنا الاوليه .. فلازم بنذل مجهود دائماً.

From:

Book: The gifts of imperfection

Author: Brene Brown

#تنميةذاتيه #تنميةاجتماعيه #الانتماء #الحب