رحلة الحياة من قلبنا 1

حاليا بقرأ كتابthe gifts of imperfection بيتكلم عن ازاى نعيش متصالحين مع نفسنا و مع الدنيا و اننا نعرف ان عدم كمالنا ده فيه نعم لينا احنا ممكن نكون مش شايفنها . و بيحاول يشرح الناس الى عايشين الحياة من قلبهم بيعملوا اية و بيفكروا ازاى...

لقيت حجات كتير قريبة منى فيه ...

مثلا , برينى (الكاتبة) كانت بتقول: انها كانت فاكرة ان الناس الى مبسوطين و عايشين الحياة من قلبهم دول هما الى بتحاول تعمل زيهم , بيشتغلوا بجد , و بيتبعوا القواعد , عايزين يعملوا كل حاجة بشكل مثالي , يربوا اولادهم زى ما قال الكتاب ....

بس طلع الاهم من كل دة , انك تفهم نفسك و تحبها - تستوعب نقط ضعفك و تقبل نفسك زى ما هى .

كمان , اننا مش هنعرف ندى حد الحب و العاطفة الى جوانا الا لو احنا عيشنا الحياة من قلبنا بجد ...و عشان نبقى كدة محتاجين نشتغل على القلب و العقل بالتساوى .. و لما فكرت اكتشفت انى كنت بشتغل على العقل طول الوقت و قصرت جدا فى الشغل على القلب .

فقررت اركز الشغل الفترة الى جيا على الروح و القلب . و احطهم لاول مرة فى حياتى من ضمن انجازاتى و اهدافى ..

قبل كده كانت كل اهدافى حوالين الشغل و الدراسة فقط .. مكونتش بفكر ان يبقى فى اهداف تانية , لو وقت عدا منغير مااحس اني طورت حاجة او درست حاجة بكون فى حالة لا يرثي لها و عندي شعور بالاحباط و كأنى ضيعت كل حاجة !

برينى : قررت كل ده يتغير , و اغير نظرتى تماما للاهداف و للحياة و اشتغل على الروح و العاطفة اكتر فى الفتره دية ..

( حاليا حاسة انى عديت شوط كويس , برغم ان بيجيلى احساس ساعات انى احبطّ و زهقت و كل الى بعمله ملوش لازمة , و احس ان كله هيبوظ فى لحظة ... لكن برجع تانى اكمل ..)

حاسة كأنى كنت شايله جبل كبيير على كتفى و اخيرا اتخلصت منه ...

و لسه مكملة....

دى اجزاء من الكتاب وقفت عندها و خلتنى افكر:

Quotes from the book The gifts of imperfection:

wholehearted people : people living and loving with their whole hearts.

We are on our journey of living and loving with our whole hearts is a much stronger indicator of parenting success than anything we can learn from how-to books.

This journey is equal parts heart work and head work, and as i sat there on that dreary November day, it was clear to me that i was lacking in my own heart work.

The better we are at accepting ourselves and others, the more compassionate we become.

We can only love others as much as we love ourselves

Loving and accepting ourselves are the ultimate acts of courage in a society that said " Put yourself last" , self-love and self-acceptance are almost revolutionary .

Here's what is truly at the heart of Wholeheartedness: Worthy now. .. we are worthy of love and belonging now. right this minute.

self-kindness: Being warm and understanding toward ourselves when we suffer, fail, or feel inadequate, rather than ignoring our pain or flagellating ourselves with self-criticism .

from :

Book: The gifts of imperfection

Author: Brene Brown

#wholeheartliving